लुम्बिनी कपिलबस्तुमा संसारकै अग्लो बुद्धमुर्ति बनाउने अवधारणामाथि छलफल भएको छ। अन्तराष्ट्रिय बुद्धिष्ट सेन्टरको आयोजनामा काठमाण्डौमा भएको छलफलमा भगवान गौतम बुद्धले २९ बर्ष विताएको कपिलवस्तुमा अग्लो बुद्धमुर्ति बनाउने अवधारणामाथि छलफल भएको हो।
पुर्व प्रधानमन्त्री माधवकुमार नेपाल अध्यक्ष रहेको सेन्टरले गरेको छलफलमा मलेशिया स्टेवर्ड छुँगले बुद्धमुर्ति पार्क संग्रालय सहित तयार गुरुयोजनाको प्रारम्भीक अवधारणा प्रस्तुत गरेका थिए । नेपालको तर्फबाट जग्गा प्राप्तीको प्रक्रिया समयमा टुंगिएमा कपिलवस्तुको बाणगंगा नदी किनारमा आगामी ७ बर्षमा २४५ मिटर अग्लो बुद्धमुर्ति सहितको पार्क बन्ने कार्ययोजना तय गरिएको स्टेवर्डले बताए।
बुद्धले २९ बर्ष बिताएको कपिलबस्तुमा संसारकै अग्लो बुद्धमूर्ती निर्माणले विश्वमा नयाँ किर्तीमान कायम गर्ने पूर्वप्रधानमन्त्री माधव नेपालले बताए । यो सम्पन्न गर्न सकिएमा नेपाल सगरमाथाले मात्र हैन संसारकै अग्लो बुद्धमुर्तिले पनि चिनिने धारणा राखे।
कार्यक्रममा सहभागी चिनियाँ मास्टर से डे युनले उक्त परियोजनाका लागि श्रोत जुटाउन कठिन नहुने धारणा राखेका थिए ।
कार्यक्रममा अवधारणाले डिटेल डिजाइन गर्न बुद्धिष्ट सेन्टर, वाइअप कम्पनि मलेशीया र टिआईडिए कन्सटक्सन चाइना विच कार्यसंझौता पनि गरिएको छ।
कार्यक्रममा कपिलवस्तुका प्रदेससभा सदस्य बिष्णु पन्थी, लुम्बिनी विकास कोषका उपाध्यक्ष अवधेस कुमार त्रिपाठी, कोषाध्यक्ष सिद्धिचरण भटराई, योजना प्रमुख सरोज भटराई, कपिलवस्तु नगरपालिकाका नगरप्रमुख सुदीप पौडेल लगायतको सहभागी थिए। कार्यक्रमको सञ्चालन सेन्टरका सचिव मोहन गौतमले गरेका थिए।