भैरहवा- गौतम बुद्ध अन्तर्राष्ट्रिय विमानस्थलबाट उडान गर्न फ्लाइ दुवईले पनि टिकट बुकिङ खुल्ला गरेको छ। जस अनुसार यही कात्तिक २५ गतेबाट हप्ताको सातै दिन दुवई- भैरहवा-काठमाडौँ उडान हुने छ।
भैरहवामा मंगलबार फ्लाई दुवईका टाेलिसँग छलफल भएपछि टिकट बुकिङ खुलेकाे गाैतम बुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीले जानकारी दिए।
दुबइबाट आएको जहाज दिउसो १ : ४५ मा जहाज भैरहवा अवतरण गर्ने छ। २: ४५ मा जहाज काठमाडौँ प्रस्थान गर्ने छ। भैरहवाबाट दुबई जान चाहानेले काठमाडौँमा एक घण्टा मात्र ट्रान्जिटमा बसे हुन्छ। फ्लाई दुबई यूएईको राष्ट्रिय ध्वजावाहाज वायुसेवा हो।
