बुटवल – होटल पौवाले यति एयरलाइन्ससंगको सहकार्यमा प्रोमो कोड प्रयोग गरी हवाई यात्रा गर्दा छुटको अफर ल्याएको छ। देशका मुख्य शहरमा नेपाली हस्पिटालिटीसहितको सेवा दिँदै आएको होटल पौवालाई यति एयरलाइन्सले प्रदान गरेको प्रोमो कोडबाट हरेक नेपालीले हवाई भाडामा तीन सय रुपैयाँ छुट प्राप्त गर्ने छन्।
यति एयरलाइन्समा हवाई यात्राका लागि टिकट खरिद गर्दा पौवाको वाईटीपीएयूडब्लूए ३०० कोड समाविष्ट गरेर टिकट काट्दा साबिक भाडामा तीन सय रुपैयाँ छुट प्राप्त हुने होटल पौवाका ब्राण्ड विभाग प्रमुख विष्णु भण्डारीले जानकारी दिए। अब यति एयरलाइन्सको वेबसाईटबाट सिधैं टिकट काट्दा आउने प्रोमो कोडको स्थानमा पौवाको कोड प्रयोग गर्दा साबिक भाडामा तीन सय रुपैयाँ छुट हुने छ।
नेपाली स्वादका लागि छुट्टै पहिचान बनाएको पौवा ग्रुपलाई यतीले प्रदान गरेको प्रोमो कोडका लागि ब्राण्ड प्रमुख भण्डारीले धन्यवाद व्यक्त गरे । होटल पौवाले हालसम्म देशभरीका १५ स्थानबाट सेवा दिइरहेको छ । ‘जहाँबाट आतिथ्यताको सुरुवात हुन्छ’ भन्ने मूल नारासहित नेपाली हस्पिटालिटीसहितको सेवा दिने उद्देश्यले देशभर आफ्नो शाखा बिस्तारलाई समेत तिब्रता दिँदै आएको होटल पौवाले लुम्बिनी प्रदेशका प्रायः सबै पर्यटकीय स्थलमा पहुँच बिस्तार गरेको छ।
छिमेकी प्रदेश कर्णालीको जुम्ला, सुदूरपश्चिमको धनगढी, दाङको भालुवाङ, घोराही र लमही, कपिलवस्तुको गोरुसिङ्गे, रुपन्देहीको योगीकुटी र भैरहवाको चिल्ड्रेन पार्क, पाल्पाको तानसेन, गुल्मीको रेसुङ्गा, गण्डकी प्रदेशको राजधानी पोखरा र नवलपुर खोटाङको हलेसी बाग्मती प्रदेशको सिन्धुली तथा संघीय राजधानी काठमाडौंको गौशालामा पौवाको सेवा संचालनमा रहेका छन् ।’ भण्डारीका अनुसार होटल पौवाले बागमती प्रदेशकै चितवनको भरतपुरमा र लुम्बिनी प्रदेशको औद्योगिक राजधानी बाँकेको नेपालगन्जमा शाखा बिस्तार गरी चाँडै नै संचालनको तयारीमा रहेको छ।
