बसन्ता भुसाल
कपिलबस्तु -संस्कृती पर्यटन तथा नागरिक उड्डयनमन्त्री बद्री पाण्डेले निजी क्षेत्र अघि बढे मात्र मुलुकको पर्यटन क्षेत्रको बिकास हुन सक्ने बताएका छन्। उनले निजी क्षेत्रको अगुवाई बिना पर्यटन क्षेत्रको बिकासका असम्भव रहेको उल्लेख गरे।
१५ औं कपिलवस्तु महोत्सवको बुधबार उद्घाटन गर्दै पाण्डेले निजी क्षेत्र सहित बिदेशी र गैर आवासिय नेपालीलाई पर्यटन क्षेत्रमा लगानीका लागि प्रोत्साहित गर्नु पर्नेमा जोड दिए।
लुम्बिनी बिश्व शान्ति केन्द्र भएको भन्दै मन्त्री पाण्डेले कपिलवस्तुका नागरिकले पर्यटकका लागि बुद्ध शैली अबलम्बन र बुद्धत्व झल्काएर पर्यटकलाई आकर्षित गर्न सक्नु पर्नेमा जोड दिए। तिलौराकोट छिट्टै बिश्व सम्पदा सूचिमा सुचिकृत हुने प्रक्रियामा रहेको उनले जानकारी दिए। यसबाट कपिलवस्तु सहितका बुद्धस्थलको बिकासमा सघाउ पुर्याएर पाण्डेको भनाइ छ। पर्यटन भित्राउनका लागी तिनै तहाको सरकारको महत्वपूर्ण भूमिका हुने पर्यटनमन्त्री पाण्डेले उल्लेख गरे।
”सक्षम व्यवसायी, समुन्नत राष्ट्र र आत्मनिर्भर अर्थतन्त्र” भन्ने मुल नाराका साथ कपिलवस्तु उद्योग बाणिज्य संघको आयोजनामा बुद्धरंगशाला बाणगंगामा शुरु भएको १५ औं कपिलवस्तु महोत्सव एवम कृषी, पर्यटन तथा औधोगिक प्रदर्शनी सुरु भएको हो।
कपिलवस्तुको बाणगंगा नगरपालिकाको बुद्ध रंगशालामा पौष २ गते सम्म महोत्सव सञ्चालन हुनेछ। महोत्सवले जिल्लाको समग्र बिकास, प्रचार प्रसार,पर्यटन क्षत्रमा टेवा पुर्याउने कपिलवस्तु उद्योग बाणिज्य संघका अध्यक्ष तथा महोत्सव आयोजक समितिका संयोजक गणेश बहादुर क्षेत्रीले जानकारी दिए। महोत्सवमा स्थानिय कला संस्कृतीको प्रबद्र्धन सगै कृषी आधुनिकीकरणका औजार, कृषी, लघु र साना उद्योगका उत्पादनका लागी प्रदर्शनीमा प्राथमिकता दिईएको छ। उदघाटन कार्यक्रममा बिभिन्न कला संस्कृती र झाकी देखाईएको थियो।
महोत्सवको आकर्षणको रुपमा पशुपतिनाथ मन्दिर शैलीको प्रवेश गेट, राष्ट्रिय र स्थानिय कलाकारको साँङ्गीतिक प्रस्तुती, जिल्लाको पर्यटकिय क्षेत्रको तस्बिर, बालउद्यान, थारु परिकार, , कपिलवस्तु डान्स आईडल, झुला,स्केट लगायत विभिन्न खेलकुदका सामग्रीले आकर्षण गराइएको छ। महोत्सवको आकर्षणको रुपमा खेल क्षेत्रलाई प्राथमिकता दिई बालुवामा डिजर साईक्लिङ्ग, प्रदेशस्तरीय कपर्दी प्रतियोगिता र स्कुलस्तरीय भलिबल लगायतका खेल आयोजना गरिने आयोजकले जनाएका छन्।
महोत्सवमा २ लाख दर्शकले अवलोकन गर्ने र १० करोड बराबरको कारोबार हुने आशा गरिएको कपिलबस्तु उद्योग वाणिज्य संघले जनाएको छ।
