कपिलबस्तु– श्रीलंकाका पूर्व राष्ट्रपती तथा पूर्व प्रधानमन्त्री रनिल विक्रमासिंघेले तिलौराकोटको भ्रमण गरेका छन्। शनिवार लुम्बिनी आएका बिक्रमासिंघे आइतबार शाक्यवंशिय राजधानी अर्थात गौतम बुद्धले २९ वर्ष विताएको ठाउँ कपिलबस्तुको तिलौराकोट पुगेका हुन्। पूर्वराष्ट्रपती विक्रमसिंघेलाई लुम्बिनी विकास कोषका सुरक्षा प्रमुख खगेन्द्र काफ्ले, कपिलबस्तु शाखा प्रमुख माधव आचार्यले तिलौराकोटमा स्वागत गरे।

परिवारसहित लुम्बिनी भ्रमणमा आएका विक्रमासिंघे तिलौराकोट हेलिकप्टर मार्फत पुगेका थिए। श्रीलंका बुद्धिष्ट राष्ट्र भएकाले प्राचिन कपिलबस्तु राज्यको दरबारक्षेत्र तिलौराकोटको भ्रमणमा बिक्रमासिंघले चासो रोखका थिए। सोअवसरमा बृहत्तर लुम्बिनी क्षेत्रका बारेमा सूचना शाखाका विकास लामाले विफ्रिङ गरेका थिए। बिक्रमासिंघे श्रीलकाका नवौं राष्ट्रपती र दसौं प्रधानमन्त्री हुन्। उनी ६ पटकसम्म प्रधानमन्त्री बनेका थिए।