काठमाडौं संस्कृति, पर्यटन तथा नागरिक उड्डयनमन्त्री बद्री पाण्डेले नेपाल नागरिक उड्डयन प्राधिकरण ९क्यान० लाई सेवा प्रदायक र नियामक निकायका रुपमा विभाजन गर्ने कानुन निर्माण भए पछि नेपाली आकाश अझै सुरक्षित र भरपर्दो हुने बताएका छन्।
क्यानको २६औं वार्षिकोत्सवका अवसरमा मंगलबारआयोजित कार्यक्रममा पाण्डेले मन्त्रिपरिषदबाट स्वीकृत भएको विधेयकलाई संसदबाट कानुनको रुपमा निर्माण गरे पछि नेपाली आकाश अझै सुरक्षित र भरपर्दो हुने बताएका हुन्।
विधेयकमाथि छलफल हुँदा क्यान कर्मचारीका कुरा समेत समबेश गरिने उनको भनाइ। नयाँ कानुन निर्माण भएपछि अन्तर्राष्ट्रिय रूपमा उठ्ने गरेका प्रश्न पनि सम्बोधन हुने मन्त्री पाण्डेले बताए।
कानुन निर्माण गर्दा कुनै कुरामा संका नगर्न आग्रह गर्दै यो कानुन निर्माण भए प्राधिकरण झनै विश्वसनीय हुने उनको तर्क थियो। निजगढ विमानस्थाल निर्माण नेपालको सपना भएको बताउँदै तर त्यो निर्माणको विषय त्यतिकै अल्झिरहेको पाण्डेले बताए।
