लुम्बिनी -न्यूयोर्क टाइम्सले विश्वका घुम्नलायक स्थानहरुको सूचीमा बुद्धजन्मस्थल लुम्बिनीलाई नवौं स्थानमा राखेको छ। सन् २०२५ को लागि न्यूयोर्क टाइम्सले ५२ घुम्नलायक ठाउँहरुको प्रकाशित गरेको छ। जसमा लुम्बिनीलाई उत्कृष्ट १० भित्र समेटेको हो।

हजारौं वर्ष पहिले माया देवी नाम गरेकी रानीले अहिलेको लुम्बिनीमा सिद्धार्थ गौतम बुद्धलाई जन्म दिएकी र त्यसबेलादेखि लुम्बिनी प्राचीन भग्नावशेष र समकालीन बौद्ध केन्द्रहरूले भरिएको तीर्थस्थल रहेको न्युयोर्क टाइम्सले भनेको छ । लुम्बिनीमा नयाँ मन्दिर र ध्यान केन्द्रहरू खुलिरहेको र गत नोभेम्बरमा हजार बुद्ध मन्दिर स्थापना उद्घाटन भएको न्युयोर्क टाइम्सले उल्लेख गरेको छ।

लुम्बिनीबाट ३० माइल टाढा रामग्राम स्तुपा पनि रहेको बताइएको छ। न्यूयोर्क टाइम्सको घुम्नलायकको सूचीमा पर्नुले लुम्बिनीको विश्वव्यापी प्रचार प्रसारमा सघाउ पुग्ने अपेक्षा राखिएको छ।