काठमाडौं -संयुक्त राज्य अमेरिकामा आयोजित लस एन्जलस ट्राभल एण्ड एडभेन्चर शोमा नेपाल पर्यटन बोर्ड सहभागी भएको छ। नेपालका ५ वटा ट्राभल कम्पनीहस्का साथमा लस एन्जलस कन्भेन्सन सेन्टरको बुथ नम्बर ८२५ मा बोर्डले नेपालको प्रवद्र्धन गरेको छ। कार्यक्रममा ओझा हलिडेज टुर्स एण्ड ट्रेक्स प्रा। लि।, फ्रेन्ड्स एडभेन्चर टिम प्रा। लि।, अर्थ नेपाल हलिडेज प्रा। लि।, नेपाल ट्रेक एडभेन्चर एण्ड एक्सपिडिसन प्रा। लि।, र नेपाल स्याङ्चुरी ट्रेक्स प्रा। लि। सहभागी रहेको नेपाल पर्यटन बोर्डले जनाएको छ। एड्भेञ्चर सो मार्फत नेपालको नेपालको विविध यात्रा अनुभवहरूलाई अमेरिकामा बजारीकरण गरेको बताइएको छ।

प्रदर्शनीमा नेपालको परिदृश्य, समृद्ध संस्कृति र रोमाञ्चक साहसिक कार्यहरू प्रस्तुत गरिने छ। कार्यक्रमको क्रममा एक विशेष उपहार पनि दिइनेछ, जहाँ एक भाग्यशाली जोडीले लक्की ड्र मार्फत एभरेस्ट बेस क्याम्प ट्रिप जित्नेछन्, जसले नेपालको हिमालय यात्रालाई प्रत्यक्ष अनुभव गर्ने मौका प्रदान गर्नेछ।

नेपाल पर्यटन बोर्डका प्रमुख कार्यकारी अधिकृत दीपक राज जोशीले सन् २०२४ मा नेपालको कुल पर्यटक आगमनको लगभग १० प्रतिशत अमेरिकाले ओगटेको बताए। जसमा लगभग १,१२,००० अमेरिकी नेपाल आएको उनले जानकारी दिए। भारतपछि अमेरिका नेपालको लागि दोस्रो पर्यटन श्रोत बजार बनेको छ। हाम्रो निरन्तर प्रयासले नेपाललाई अमेरिकी यात्रुहरूको लागि एक उत्कृष्ट गन्तव्यको रूपमा स्थापित गर्नेछ। उनले भने।

अमेरिका नेपालको लागि एक प्रमुख स्रोत बजार भएकोले, नेपाल पर्यटन बोर्ड सम्बन्धलाई सुदृढ चाहेको बोर्डले जनाएको छ। ट्राभल एण्ड एडभेन्चर शोमा नेपालको सहभागिताले अमेरिकी नागरिक लागि नेपाल भ्रमण गर्नै पर्ने गन्तव्यको रूपमा स्थापित गर्ने दिशामा एक महत्त्वपूर्ण कदम भएको बोर्डको भनाइ छ।