हामी व्यवसायीहरुले नै पहल गरेर चार्टर उडान गर्न लागेका हौं

पोखरा-पोखरामा पर्यटन प्रवद्र्धनको गतिविधि बढाउनको लागि क्रस कन्ट्री रेस, ड्रागन बोट रेस भइरहेको थियो। त्यसको लागि सिचुवान एयरले खेलाडीहरु लिएर आइरहेको थियो। पछि यसको नियमित उडानको कुरा भयो। पोखराबाट चिन जाने मान्छे पनि भए भने उडान नियमित होला भन्ने लाग्यो।

हामी व्यवसायीहरुले नै पहल गरेर चार्टर उडान गर्न लागेका हौं। यो उडानको लागि पोखरा पर्यटन परिषदले नेतृत्व गरेको हो। त्यसको लागि चिनिया राजदुताबाससँग समन्वय गरेर उडान थालेका हौं। सुरुवातमा ३ वटा जति पोखराबाट चार्टर बेसमै उडान गर्छौ। पहिलो उडान पोखरा परिषदले नेतृत्व गरेको छ। दोस्रोमा पोखरा उद्योग बाणिज्य संघले नेतृत्व गर्ने छ। त्यसरी अघि बढाउने हो। उडानलाई दिगो बनाउन सुरुमा हामीले चार्टर उडान थालेको हो। पछि यसको टिकट खुल्छ र उडान तालिकामा रहन्छ।

सिचुवान प्रदेशमा ९ करोड जनसंख्या रहेछ। त्यहाँका चिनिया पर्यटन यता आउने यताका पनि घुम्न जाने क्रम भयो भने उडानलाई दिगो बनाउन सकिन्छ भनेर सिचुवान एयरलाइन्स मार्फत छेन्दु पोखरा उडान उडान गर्न लागेको हो।
पहिलो उडानमा हाम्रो पोखरा महानगरपालिकाका प्रमुख धनराज अचार्य जाँदै हुनुहुन्छ। महानगरका प्रमुख कार्यकारी अधिकृत, संघ संस्थाका अध्यक्ष पदाधीकारीहरु पनि सहभागी हुनुहुने छ।

३ महिनामा १२५० जना चाइनिज ३ महिनामा पोखरा झार्ने हाम्रो उदेश्य हो। त्यसको लागि हामी तयारी तयारी अवस्थामा छौं। उताबाट जहाज भरिभराउ भएर आउँछ। हामी व्यवसायीहरु आफ्नै खर्चमा चिन जाँदै छौं। पोखरा महानगरले मेयर र प्रमुख प्रशासकिय अधिकृत केही सञ्चारकर्मीको खर्च बेहोर्ने छ।

चिनको छेन्दुबाट पोखरा उडान भएपछि बुद्ध जन्मस्थल लुम्बिनीमा पनि प्रभाव पर्छ। अहिले चाइनिजहरुको रोजाइर्मा लुम्बिनीमा पर्छ। चिनबाट आएर भैरहवा जानको लागि आन्तरिक उडान पनि छ। सिचुवानको जहाजबाट चाइनिज पर्यटकहरु एक हप्ता घुम्ने गरि आउँछन्। यो अवधिमा धेरै जना लुम्बिनी जान खोज्नेहरु हुन्छन्। एक हप्ता घुमेर उनीहरु पोखराबाटै फर्किन्छन्। उडानको निरन्तरताको लागि हामीले प्याकेज बनाएर बेच्छौं। त्यसको लागि नाट्टा गण्डकी, टानले प्याकेज बनाउने छ। उपयुक्त प्याकेजमा चाइनिरहरु नेपाल घुम्ने छन्। उद्घाटन भएको लामो समय भइसक्दा पनि पोखराबाट नियमित अन्तर्राष्ट्रिय उडान हुन सकेन। त्यसैले हामी व्यवसायीहरुले नै पहल गरेर पोखरा छेन्दु उडान सुरु गरेको हो। यसले निरन्तरता पाउने छ भन्ने हामीलाई आशा छ।

कुराकानीमा आधारित