पोखरा -चीनको छेन्दुबाट पोखरा अन्तरराष्ट्रिय विमानस्थलमा आजदेखी सिचुवान एयरलाइन्सले नियमित व्यावसायिक चार्टर उडान हुने भएको छ। नेपाल–चीन कूटनीतिक सम्बन्ध स्थापनाको ७० वर्ष पुगेको अवसरमा चिनको सिचुआन प्रान्तको सहयोगमा उडान हुन लागेको हो।
छेन्दुबाट १२७ जना यात्रु लिएर सिचुवानको जहाज पोखराको लागि आउँदै छ। पोखराबाट छेन्दुमा हुने पहिलो उडानमा पहिलो उडानमा पोखरा महानगरपालिकाका प्रमुख धनराज अचार्य सहित पर्यटन व्यवसायीहरु चिन जाने छन्। टोलीले छेन्दु, लुझाउ, लेसानलगायत चिनियाँ सहरमा हुने विभिन्न सरकारी तथा निजी क्षेत्रका प्रतिनिधिमण्डलसँग व्यावसायिक बैठकमा सहभागिता जनाउने छ।
सिचुवान प्रदेशमा ९ करोड जनसंख्या छ । त्यहाँका चिनिया पर्यटन यता आउने यताका पनि घुम्न जाने क्रम भयो भने उडानलाई दिगो बनाउन सकिने पोखरा पर्यटन परिषदका अध्यक्ष तारानाथ पहारीले बताए। ३ महिनामा १२५० जना चाइनिज ३ महिनामा पोखरा झार्ने लक्ष्य राखिएको उनले जानकारी दिए। यस उडानले नेपाल र चीनबीचको हवाई सम्पर्कलाई अझ प्रभावकारी बनाउँदै पर्यटन प्रवद्र्धन, सांस्कृतिक आदान–प्रदान र व्यावसायिक सहकार्यलाई नयाँ उचाइमा पु¥याउन नेपाल पर्यटन बोर्डको विश्वास छ।
पोखरा–छेन्दु उडानले मध्य र पश्चिम नेपालका यात्रुका लागि कम खर्चमा हवाई सेवामा सहज पहुँचका साथै चिनियाँ पर्यटकलाई सुन्दर सहर पोखराको अवलोकनको अवसर प्रदान गर्ने बोर्डले जारी गरेको विज्ञप्तिमा भनिएको छ।
