पोखरा-चिनबाट आइपुगेको सिचुवान एयरलाइन्सको जहाज पोखरा आइपुगेको छ। १२८ जना यात्रु सहित सिचुवान प्रान्तको छेन्दुबाट उडेको जहाज केही बेर अघि पोखरा अन्तर्राष्ट्रिय विमानस्थलमा अवतरण गरेको हो। पोखरा अन्तर्राष्ट्रिय विमानस्थल उद्घाटन भएको दुई वर्ष पछि नियमित उडान हुन लागेको हो।

सिचुवान एयरलाइन्सको जहाजले छेन्दु पोखरा नियमित चार्टर उडान गर्ने छ। जहाजमा पोखराबाट १२० जना चिन प्रस्थान गर्दैछन्। जसमा पोखरा महानगरपालिकाका मेयर धनराज आचार्यको नेतृत्वमा पर्यटन व्यवसायीहरु रहने छन्। एक साता भ्रमणको क्रममा पोखरेली टोलीले सिचुवान प्रान्तको विभिन्न ठाउँका कार्यक्रममा सहभागी हुने छ। ति कार्यक्रम मार्फत पोखरा सहित नेपालको पर्यटन प्रवद्र्धन गर्ने पोखरा पर्यटन परिषदका अध्यक्ष तारानाथ पहारीले जानकारी दिए। नियमित उडान सुरु भएसँगै पोखरामा उत्साह छाएको छ।