पोखराको पर्यटन प्रवद्र्धन र अन्तर्राष्ट्रिय उडानको निरन्तरतामा सघाउ पुग्ने

पोखरा-पोखरा अन्तर्राष्ट्रिय विमानस्थलबाट पहिलो व्यवसायीक उडान सुरु भएको छ। सिचुवान एयरलाइन्सको जहाज आज पोखरा आएर पुन चिन प्रस्थान गरेको छ।

पहिलो व्यवसायीक चार्टर उडानमा १२७ जना पोखराबाट चिन प्रस्थान गरेका छन्। जसमा पोखरा महानगरपालिकाका मेयर धनराज आचार्य, नेपाल पर्यटन वोर्ड गण्डकी प्रदेशका प्रमुख मणिराज लामिछाने, पोखरा भ्रमण वर्ष २०२५ कार्यसम्पादन समितिका संयोजक गोपि वहादुर भट्टराई, पोखरा पर्यटन परिषद्का अध्यक्ष तारानाथ पगारी लगायत पर्यटन व्यवसायीहरु सहभागी छन्। पर्यटन व्यवसायीहरु आफ्नै खर्चमा चिन भ्रमणमा गएका हुन्।

एक हप्ते चिन भ्रमणमा टोलीले सिचुनान प्रान्तका विभिन्न ठाउँको पर्यटकीय विकास बारे जानकारी लिनेछन्। भ्रमणले पोखराको प्रवद्र्धन र अन्तर्राष्ट्रिय उडानको निरन्तरतामा सघाउ पुग्ने विश्वास व्यक्त गरिएको छ।

हरेक हप्ता पोखराबाट चिनको छेन्दुमा उडान हुने छ। यो पटक पोखरा पर्यटन परिषदको अगुवाइमा चार्टर उडान भएको हो । चैत्र १९ गते पोखरा उद्योग बाणिज्य संघ र त्यसपछि सामाजिक संघ संस्थाहरुको पहलमा चार्टर उडान हुने छ। व्यवसायीक उडानमा सहभागी हुन पोखरा महानगरपालिका र पोखरा पर्यटन परिषदले आग्रह समेत गरेको छ।