काठमाडौं-भारतमा भएको ट्राभल एण्ड टुरिज्म फेयर चेन्नई २०२५ मा नेपालले उत्कृष्ठ स्टल सजावटको अवार्ड प्राप्त गरेको छ। चेन्नइ चेन्नई ट्रेड सेन्टरमा मार्च २१ देखि २३ सम्म आयोजित फेयरमा नेपाल पर्यटन बोर्डले १५ ट्राभल कम्पनीसहित सहभागीता जनाएको थियो। सो मेलामा नेपाल स्टल सजावट तर्फ उत्कृष्ठ भएको हो।

भारतको सबैभन्दा स्थापित पर्यटन मेलाहरू मध्ये चेन्नइको मेला पनि रहेको छ। चेन्नईले दक्षिण भारतीय बजारमा आफ्नो विविध यात्रा प्रस्तावहरू प्रवद्र्धन गर्न नेपाललाई उत्कृष्ट प्लेटफर्म प्रदान गरेको थियो। पर्यटन मेलामा सहभागी टुर अपरेटर, व्यवसायीहरु, मिडियाकर्मी विद्यार्थी र आगन्तुकहरुले नेपालको स्टल र पर्यटकीय गन्तव्यहरु प्रति विशेष चासो दिएका थिए। नेपालको प्राकृतिक सौन्दर्य, साहसिक पर्यटन, धार्मीक पर्यटन र सांस्कृतिक सम्पदाको आकर्षक ठाउ भएको मेला मार्फत सन्देश प्रवाह भएको पर्यटन बोर्डले जनाएको छ।

यस्तै आन्ध्र प्रदेश पर्यटन, तमिलनाडु पर्यटन र केरला पर्यटनका अधिकारीहरूसँगको बैठकले पारस्परिक पर्यटन वृद्धिलाई प्रवद्र्धन गर्न थप सहकार्य र सरकारी–स्तरीय साझेदारीको ढोका खोलेको छ। नेपाल मंडपमा लोकप्रिय स्थानीय प्रभावकारहरू, आध्यात्मिक नेताहरू, अभिनेताहरू र विभिन्न सरकारी अधिकारीहरूको सहभागीता रहेको थियो। कार्यक्रममा तमिलनाडुका पर्यटन मन्त्री थिरु आर. राजेन्द्रले नेपालको स्टलको सोभा बडाएको थियो। उनको उपस्थितिले नेपाल र भारत बीचको बलियो पर्यटन सम्बन्धलाई जोड दिएको र यसबाट द्विपक्षीय पर्यटन आदानप्रदानलाई प्रवद्र्धन गर्न गहिरो सहकार्यको लागि मार्ग प्रशस्त गरेको पर्यटन बोर्डले जनाएको छ।