पोखरा- हिमालय एयरलाइन्सले सोमबारबाट पोखरा–ल्हासा अन्तर्राष्ट्रिय उडान सुरू गरेको हो। हिमालयनले पोखरा अन्तर्राष्ट्रिय विमानस्थलबाट नियमित उडान सुरू गरेको हो। एक सय सात जना यात्रु बोकेर ल्हासाबाट आएको हिमालयको जहाज दिउँसो पौने दुई बजे अवतरण भएको पोखरा विमानस्थल कार्यालयका महाप्रबन्धक प्रेमनाथ ठाकुरले जानकारी दिए।

यो जहाज भोलि बिहान ८ः२० बजे ल्हासाका लागि उड्नेछ। यससँगै हिमालय पोखरामा नियमित अन्तर्राष्ट्रिय उडान थाल्ने पहिलो वायुसेवा कम्पनी समेत बनेको छ। हिमालय एयरलाइन्सको जहाज अब प्रत्येक सोमबार ल्हासाबाट पोखरा आउनेछ र मंगलबार पोखराबाट ल्हासाका लागि उड्ने तालिका रहेको छ।

यस अघि सिचुवान एयरलाइन्सले पोखराबाट चिनको छेन्दुमा सातामा एउटा चार्टर्ड उडान गरिरहेको छ। हिमालय एयरलाइन्सले भने नियमित उडान थालेको हो। आगामी दिनमा यात्रु संख्या बढेमा यसलाई विस्तार गरिने एयरलाइन्सले जनाएको छ।