तिलोत्तमा -रुपन्देही तिलोत्तमाको शंकरनगर बनबाटीकामा द थ्रिल एडभेन्चर सञ्चालनमा आएको छ । द थ्रिल एडभेन्चर प्रालीले बनबाटीकामा स्काइ साइकिलिङ, जिपलाइन, ग्लान्ट स्वीङ र र्यापेलिङ लगायतका मनोरञ्जनात्मक र सहाशिक पूर्वाधार तयार गरेको हो।

एड्भेन्चरको उद्घाटन गर्दै तिलोत्तमा नगरपालिकाका प्रमुख रामकृष्ण खाणले यसले तिलोत्तमाको पर्यटनलाई अझ माथि पुयाएको बताए । तिलोत्तमामा आउने पर्यटकलाई एक दुई दिन भुलाउन यस्ता पार्क र पूर्वाधारको महत्वपूर्ण भूमिका हुने उनको भनाइ छ । शंकरनगर बन विहार तथा अनुसन्धान केन्द्र बनबाटिकाका अध्यक्ष बेलप्रसाद शर्माले एड्भेन्चरले पार्कको आकर्षण थपेको बताए ।

स्काइ साइकिलिङको लम्बाइ १८० मिटर रहेको छ । जहाँ ३० फिट माथिबाट एकपटकमा दुई जनाले साइकिलिङ गर्न निर्माण कम्पनी आन्सी मल्टीनेश्नल कम्पनीका सञ्चालक लेखनाथ न्यौपानेले बताए । एड्भेन्चरको सामान सुरक्षा जाँच भएकाले सुरक्षित भएको बताए।