बुटवल-बुटवल खाना महोत्सव तथा माघेसक्रान्ती मेला २०८१ आजबाट सुरु हुँदैछ। नेपाली मौलिक कला संस्कृति रैथाने खानाका परीकारहरु हाम्रो सान शहरदेखि गाउँसम्मको पर्यटन प्रवद्र्धन र बिकास हाम्रो अभियान भन्ने नाराका साथ बुटवलको सिद्देश्वर मैदानमा खाना महोत्सव हुन लागेको हो। होटल तथा रेष्टुरेन्ट ब्यवसायी संघ रुपन्देहीको आयोजना तथा लुम्विनी प्रदेश पर्यटन बिकास परिषद र बुटवल उपमहानगरपालिकाको सहयोगमा खाना महोत्सव हुन लागेको हो।

महोत्सवमा ७० वटा स्टलमा रैथाने खानाका परिकारहरु पस्कने आयोजक होटल तथा रेष्टुरेन्ट व्यवसवायी संघ रुपन्देहीका अध्यक्ष लेखनाथ भण्डारीले बताए। मेलामा संस्कृति जगेर्ना प्रवद्र्धन हुने गरि विभिन्न जातजातिको झाँकी र सास्कृतिक नृत्य प्रस्तुत गरिने उनले बताए।

यसैगरि राष्ट्रिय कलाकारको साथमा डिजेसम्मका प्रस्तुति रहने छ भने स्थानिय लोक दोहोरी साझका कलाकारहरुबाट विविध सांस्कृतिक कार्यक्रम समेत गरिने छ। माघेसक्रान्तीको दिन चारधामको जल ल्याएर स्नानको ब्यवस्था, सेल्फी जोनको समेत ब्यवस्था गरेको भण्डारीले जानकारी दिए। पर्यटन प्रवद्र्धन हुने गरि रोमाकान्त पाण्डेको संयोजकत्वमा कार्यशाला गोष्ठी समेत गरिने प्रचारप्रसार संयोजक अर्जुन पोखरेलले बताए।