भैरहवा- जजिरा एयरवेजले भैरहवाबाट पुन उडान थाल्दै छ। मंसिरको अन्तिमबाट मौसमको कारण उडान रोकेका जजिराले शनिवारबाट गौतम बुद्ध अन्तर्राष्ट्रिय विमानस्थलमा उडान गर्न लागेको हो। विहान साढे ७ बजे अवतरणको तालिका भएपनि भएर दिउसो मात्र जहाज आउन सक्ने विमानस्थलका सूचना अधिकारी विनोदसिंह रावतले जानकारी दिए।

कुवेतबाट भैरहवा आउन पछिल्लो भाडादर १७ हजार ५०४ रुपैया रहेको जजिराको वेवसाइटमा उल्लेख छ। काठमाडौँको भन्दा केही सस्तो हो। कुवेतबाट काठमाडौँको लागि न्युनतम भाडादर १९ हजार ७४८ रुपैया देखाइएको छ। यस्तै भैरहवाबाट कुवेतको लागि ४५ हजार ६२६ रुपैया भाडा लाग्दछ। कठमाडौँबाट कुवेतको लागि न्युनतम भाडादर ४८ हजार ३६८ रुपैया देखिन्छ।

२०७९ जेठ २ गते गौतम बुद्ध अन्तराष्ट्रिय विमानस्थलको उद्घाटन सँगै जजिराले भैरहवामा उडान थालेको थियो। विभिन्न कारण देखाउँदै विच विचमा उसले उडान रोक्दै आएको थियो। डेढ वर्षपछि गत कात्र्तिकमा जजिराले भैरहवाबाट उडान थालेको थियो। उसले जनवरी १४ अर्थात मंसिर मसान्तसम्मको लागि अनुमती लिएको थियो। यो सिजनकै लागि ३१ जनवरीदेखी ३१ मार्चसम्म अर्को अनुमती लिएको थियो। जस अनुसार शनिवारबाट उडान थालेको हो।