भैरहवा-जजिरा एयरवेजले भैरहवाबाट पुन उडान थालेको छ । मंसिरको अन्तिमबाट मौसमको कारण उडान रोकेका जजिराले आजबाट गौतम बुद्ध अन्तर्राष्ट्रिय विमानस्थलमा उडान गर्न सुरु गरेको हो । विहान साढे ७ बजे अवतरणको तालिका भएपनि भएर दिउसो मात्र जजिराको जहाज आएको थियो।
जहाजमा १५३ जना कुवेतबाट भैरहवा आएका छन्। भैरहवाबाट ८३ जना जजिरा एयरवेजबाट कुवेत प्रस्थान गरेको गौतम बुद्ध विमानस्थलका प्रवक्ता दिपक बज्रचार्यले जानकारी दिए।
२०७९ जेठ २ गते गौतम बुद्ध अन्तराष्ट्रिय विमानस्थलको उद्घाटन सँगै जजिराले भैरहवामा उडान थालेको थियो। विभिन्न कारण देखाउँदै विच विचमा उसले उडान रोक्दै आएको थियो । डेढ वर्षपछि गत कात्र्तिकमा जजिराले भैरहवाबाट उडान थालेको थियो।
मौसमका कारण विचमा उडान स्थगित गरेको फ्लाई दुबइले पनि केही दिन अघिबाट पुन उडान सुरु गरेको छ। फ्लाई दुबइबाट आज ६८ जना भैरहवा झरेका छन्। यहाँबाट ३६ जना दुबइ प्रस्थान गरको प्रवक्ता बज्रचार्यले जानकारी दिए। फ्लाई दुबइले गत कात्र्तिक तेस्रो साताबाट उडान सुरु गरेको थियो।
