लुम्बिनी-लुम्बिनी होटल संघ नेपालको छैठौ साधारण सभा सम्पन्न भएको छ। पर्यटकीय स्थल कञ्चन गाउँपालिकाको दानापुरमा सम्पन्न साधारण सभामा आगामी पर्यटकीय योजनाका बारेमा छलफल भएको थियो। होटल संघ लुम्बिनी बुद्ध जन्मस्थल क्षेत्रका होटल व्यवसायीहरुको संस्था हो।
साधारण सभाले रिक्त कोषाध्यक्ष पदमा कृष्ण खत्री र सह कोषाध्यक्ष पदमा जगत थापालाई चयन गरेको छ। साधारण सभाले समग्र होटेल ब्यवसाय चलायमानको वातावरण बनाउन आग्रह गरेको छ। त्यस्तै होटलको स्तर अनुसार बर्गिकरण गरेर दर भाउ तोक्ने निर्णय पनि साधारण सभाले गरेको संघका सल्लाहकार खिम श्रेष्ठले जानकारी दिए।
संघका अध्यक्ष गोबिन्द ज्ञवालीको सभापतित्व तथा समाज्सेवी तथा बौदिक व्यक्ती हेम बहादुर बिस्टको प्रमुख आथित्यतामा भएको साधारण सभामा व्यवसायीहरुले लुम्बिनीसँग जोडेर दानापुर ताल लगायतका आसपासका गन्तव्यहरुको प्रवद्र्धन गर्नुपर्ने बताएका थिए। संघमा लुम्बिनिका ८२ वटा होटल आबद्ध रहेका छन्।
