भैरहवा – युएइको फ्लाइ दुबईले प्रत्येक दिन भैरहवाको गौतम बुद्ध अन्तर्राष्ट्रिय विमानस्थलमा उडान गरिरहेको छ। दुबईबाट आएको जहाज २ बजे भैरहवामा अवतरण गर्ने तालिका छ। फ्लाई दुबईले दुबई- काठमाडौँ सिधा उडान दैनिक २ वटा र दुबई-भैरहवा सिधा उडान दैनिक एउटा गदै आएको छ।
सिधा उडानमा दुबईबाट काठमाडौँं जान भन्दा भैरहवा आउन निकै सस्तो भाडादर छ। १६ फेबुररीको लागि दुबईबाट काठमाडौँ पहिलो उडानको भाडा दर ९७ हजार ७५१ रुपैया ९४ पैसा रहेको फ्लाई दुर्बको वेवसाइटको बुकिङ सिष्टममा उल्लेख छ। यो जहाज विहान ८::२० मा काठमाडौंमा अवतरण गर्ने तालिका छ। अर्को सिधा उडानको जहाज बेलुका ६:२० मा त्रिभुवन अन्तर्राष्ट्रिय विमानस्थलमा अवतरण गर्छ। यो जहाजमा दुबईबाट काठमाडौं आउन ८२ हजार ४६० रुपैया रुपैया ६५ पैसा भाडा तोकिएको छ।
१६ फेबुररीमा सिधा उडान मार्फत दुबईबाट भैरहवा आउन २४ हजार ५३६ रुपैया १३ पैसा भाडादर निर्धारण गरिएको छ। भैरहवा आएको जहाज काठमाडौं भएर दुबई जाने गर्दछ। दुबईबाट भैरहवा भएर काठमाडौं जानको लागि पनि यही भाडादर तोकिएको छ। माथि उल्लेखित भाडा दर फ्लाई दुबईको बुकिङ सिष्टममा माघ २६ गते शनिवार विहान देखिएको हो। यात्रुको चाप अनुसार समय समयमा भाडादर परिवर्तन भइरहन्छ।
त्यस अघिको मितिमा केही महंगो भएको पनि काठमाडौंको तुलनामा भैरहवाको भाडादर निकै सस्तो छ। अहिलेको अवस्थामा टिकट बुकिङ गर्दा २७ फेबुररीसम्म दुबई भैरहवाको भाडादर २४ हजार देखी २७ हजारसम्म तोकिएको छ। यही अवधिमा दुबई काठमाडौं सिधा उडानको भाडादर ४० हजारदेखी झण्डै एकलाखसम्म देखिने गरेको छ।
विन्टर सिजनको लागि फ्लाई दुबईले मार्च अन्तिमसम्मको लागि बुकिङ खुल्ला गरेको छ। बुकिङ सिष्टममा देखिए अनुसार सिधा उडानमा दुबईबाट भैरहवा आउन भन्दा काठमाडौं जान प्राय दोब्बर भन्दा बढि महंगो देखिन्छ। त्यसैले यो सिजनमा सिधा उडानमा काठमााडौं जान भन्दा भैरहवा आउन निकै सस्तो पर्दछ।
