२०८१ चैत्र २२ गते, शुक्रबार ०५:१६
  • फेब्रुअरीमा भैरहवाबाट ११५ अन्तर्राष्ट्रिय उडान र अवतरण, ६७७९ यात्रु आवागमन

    भैरहवा -भैरहवाको गाैतम बुद्ध अन्तर्राष्ट्रिय विमानस्थलमा फेब्रुअरी महिनामा कुल ११५ उडान र अवतरण गरेका छन्। जसबाट ६७७९ यात्रु आवागमन गरेका छन्।

    फ्लाई दुबईमा २४०३, जजिरामा ३२६५, थाई एयर एसियामा १०९७ र नेपाल एयरलाइन्समा १ जनाले यात्रा गरेकाे विमानस्थलका महाप्रबन्धक प्रतापबाबू तिवारीले जानकारी दिए। त्यस्तै १३ वटा चार्टर उडान भएकाे छ। यी उडानमा २११ विदेशी यात्रु थिए।

    त्रिभुवन विमानस्थल सँग जोडिएर उडान गर्ने नेपाल एयरलाइन्स र फ्लाई दुबईमा ४०४० ट्रान्जिट यात्रुहरुले यात्रा गरेका थिए।

    गत नोभेम्बरबाट बाट उडान भए यता फेब्रुअरी महिनाकाे यात्रु आवागमन अहिले सम्मकै धेरै हो। २०२४ को नोभेम्बरमा ४२७९ , डिसेम्बरमा ३८७८ यात्रु र २०२५ को जनवरीमा १३६५ यात्रुको आवागमन गरेको महाप्रबन्धक तिवारीले जानकारी दिए।