भैरहवा – जजिरा एयरवेजले साढे २ महिनापछि भैरहवाबाट पुनः उडान सुरु गरेको छ।
६६ यात्रु लिएर बिहान ७ बजेर १५ मिनेटमा जहाज गौतम बुद्ध अन्तर्राष्ट्रिय विमानस्थलमा अवतरण भएको थियो। बिहान ८ बजेर १५ मिनेटमा जजीराको जहाज ९३ यात्रु लिएर कुवेतका लागि उडेको विमानस्थलका निमित्त महाप्रबन्धक सुवास झाले जानकारी दिए।
गौतमबुद्ध अन्तर्राष्ट्रिय विमानस्थल उद्घाटन भएसँगै गत जेठ २ गतेदेखि जजीराले भैरहवाबाट उडान सुरु गरेको थियो । पुस ५ गतेबाट मौसमका कारण देखाउँदै उडान रोकेको थियो।
पुनः उडान सुरु गरेको जजिराले कुवेतका लागि सातामा ३ पटक उडान गर्ने छ।
नेपाली समयानुसार मंगलबार, बिहीबार र शनिबार बिहान ८स्०५ बजे उडान भर्ने तालिका छ। कुवेतमा स्थानीय समयानुसार बिहान १०स्५५ बजे अवतरण गर्ने छ।