लुम्बिनी – लुम्बिनी विकास कोषले रामग्राम र देवदहबाट विद्युतीय बस सञ्चालन गर्ने भएको छ । एक महिना अघि बेलहिया एयरपोर्ट हुँदै लुम्बिनी सम्म धम्म  यात्राको रुपमा विद्युतीय बस सञ्चालन हुँदै आएको छ।

अब देवदह र रामग्रामबाट बेलहिया र एयरर्पोट हुँदै लुम्बिनीसम्म बस सञ्चालन गर्न लागिएको लुम्बिनी विकास कोषका कोषाध्यक्ष सिद्धिचरण भट्टराईले जानकारी दिए। तत्कालको लागि प्रत्येक हप्ता ३ दिन देवदहबाट मणिग्राम निस्केर भैरहवा हुँदै लुम्बिनीबाट बस चल्ने छ। त्यस्तै ३ दिन  रामग्रामबाट लुम्बिनीका लागि विदुतीय बस सञ्चालन हुने उनले जानकारी दिए ।

पूर्वपश्चिम पश्चिम राजमार्गको निर्माण सकिएपछि देवदहबाट बुटवल हुँदै लुम्बिनी चलाइने भट्टराइले बताए। हाललाई धम्मदान गर्ने गरि पर्यटकहरुले बसबाट लुम्बिनी जान पाउने कोषले जनाएको छ।