पूर्वदेखी पश्चिमसम्म १७ सय किमि बढि पैदलयात्रा गर्ने

काठमाडौं – १२ जना महिलाले ऐतिहासिक हिमाली पदयात्रा सुरु गरेका छन्। माया गुरुङको नेतृत्वमा गे्रट हिमालयन ट्रेल सुरु भएको हो। सहभागीहरुले नेपाल हिमाली क्षेत्र अन्तर्गत पूर्वदेखी पश्चिमसम्म १७ सय किलोमिटर भन्दा बढि पैदलयात्रा गर्ने छन्।

१०० दिनसम्म चल्ने यात्रामा २० बढि जिल्ला पार गर्ने यात्राकी नेतृत्व गरेकी माया गुरुङले जानकारी दिइन्। ‘ताप्लेजुङको कञ्चनजंगा बेसक्याम्प देखि सुरु भएको हाम्रो यात्रा दार्चुलाको हिल्सामा गएर हाम्रो यात्रा समाप्त हुनेछ। यसमा २० देखी २५ जिल्लाहरुमा पुग्ने छौं।’ उनले भनिन् ‘यात्राका क्रममा हामीले जनप्रतिनिधि र स्थानियसँग अन्तरक्रिया गर्छौं। जलबायु परिवर्तन लगायतका विषयमा छलफल गर्छौं।’ स्थानिय महिलाहरुलाई तालिम दिएर पर्यटन व्यवसायमा लाग्न प्रेरित समेत गर्ने गुरुङले जानकारी दिइन्। उनले हिमाली क्षेत्रका उद्यमशीलता अवसरहरू पहिचान गर्ने तथा स्थानीय समुदायलाई विश्वसँग जोड्ने लक्ष्य राखेको बताइन्। गुरुङले इच्छुकहरूलाई यो रोमाञ्चक यात्रामा सहभागी हुन निमन्त्रणा दिएकी छन्।

लिड्स नेपालका कार्यकारी अध्यक्ष डा. छिरिङ लामाले शुभकामना दिँदै महिलाहरुको साहस र सामथ्र्यको प्रसंसा गरे।
आईडिया स्टुडियो नेपाल र फाउण्डर्स क्लबले पनि यस यात्रालाई सहयोग गरेका छन्। सम्पूर्ण टोलीलाई शुभकामना दिएका छन्। फाउण्डर्स क्लबकी अध्यक्ष सुरुची खड्काले टोलीलाई हिमाली चिसोबाट जोगाउन ‘न्यानो हीट प्याड’ उपहार प्रदान गरेकी छन्। यस यात्रामा ६५ वर्षीय सुन्दर चौधरी महिलाहरुसँग यात्रामा निस्केका छन्।

महिला नेतृत्व र सहभागीतामा आधारित लामो दुरीको साहसिक ट्रेक हो नेपालमै पहिलो पटक हुन लागेको हो। यस यात्राले हिमाली क्षेत्रका समुदायहरूलाई प्रवद्र्धन गर्न, दिगो पर्यटनलाई प्रोत्साहन गर्न र महिला सशक्तीकरणलाई बल दिन महत्वपूर्ण भूमिका खेल्ने आशा गरिएको छ।